தண்ணீர்

 

நான் தண்ணீர்!

என்னை உறைய வைத்தாலும்

குளிர்ச்சியை கொடுப்பேன்!

கொதிப்படைய வைத்தால்

வீழ்படிவதில்லை!

காற்றோடு கலப்பேன்!

கருமேகம் நிறைப்பேன்!

மீண்டும் மண்புகுவேன்!

வேர்வழி உட்புகுந்து

பசுமையாய் மீண்டெழுந்து

பலத்துடன் பாய்வேன்!

நான்,

தண்ணீர்!

நான் நானல்ல

உடலோ ஒரு பெரும் கருவி

உயிரோ வெறும் ஆற்றலே 

பெயரோ ஒரு அடையாளம் 

எதுவும் நானல்ல என்றே சிந்தித்தேன்

நானும் நானல்ல என்றே கொண்டால்

நான் யார்?

மழை

 முகமெல்லாம் பன்னீர்,

முன்னால் வாகனம்,

மழை!

நிதர்சனம்

 எதிர்காலத்திற்கு இடம் அளித்து

இறந்து கொண்டிருக்கும் இறந்தகாலம்;

நிகழ்காலத்தில நிதர்சனம்!

வாழ்க்கை

முகம் நிறைய புன்னகை;

முதுகு நிறைய புண்கள்!

வாழ்க்கை!

முத்தம்

இதழ்மேல் முத்தம்;

இசையாய் சிரித்திடும் வெட்கம்;

புல்லாங்குழல்!

எனைத்தேடும் இரவுகள்

 இரவிலிருந்து இரவு வரை

எனைத்தேடிக்கொண்டிருக்கிறேன்!

கண் மூடித் திறக்கும் முன்

காணாமல் போகிறேன்

நான்!