ஆயுதம்

 மூளை சொல்லும்!

கைகள் கொல்லும்!

பயமோ ஆயுதத்தின் மேல்!

நம்பிக்கை

 ஒரு பானை உண்மை;

ஒரு துளி பொய்.

நம்பிக்கை!

கவிதையும் கருவும்

 இது கவிதையா?

கவிதையின் கருவா?

தலை கோதும் காற்று

கரையில் தூங்கிப் புரளும் அலை

நிலவை தொலைத்துவிட்ட கருவானம்

அவளை நினைவுபடுத்தும் தனிமை

இது கவிதையா?

கவிதையின் கருவா?

மரம்

வெட்டப்பட்ட மரத்தில்

தனிமையை அனுபவிக்கும்

ஒற்றைப்பூ!

நகரம்

 அடுக்குமாடி குடியிருப்பு!

வீடுதேடும் சிறுபறவை!

வலி

முளைக்கும்போதே

பெரிதாய் தெரிகிறது,

புதைக்கப்பட்ட வலி!

காலை

 ஓங்கி வளர்ந்த மரங்கள்!

காற்றால் கிளை விலக்கி

புவி தேடும் கதிரவன்!

காலை!