டிஜிட்டல்

காதுகள் முழுக்க சத்தம்!

ரயில் முழுக்க அமைதி!

டிஜிட்டல்!

ரயில் ஒளி

ஓடாமல் நிற்கிறது ரயில்!

ஜன்னலில் நகர்கிறது மற்றொரு ரயில்!

எதிரொளி!

காதல்

மாலை ரயில்;

கசக்கிப் பிழிந்து எடுக்கும் கூட்டம்!

உருகும் இரு கண்கள்; அதை 

பருகும் இரு கண்கள்!

புரட்சி

 ஓங்கி நிற்கிறது 

பத்தடி சுவர்;

கவலையே இல்லாமல் 

அநாயாசமாய் தாவுகிறது

அழகானதோர் பச்சைக் கொடி!

பறக்கும் ஓவியம்

மேகம் மறைந்த தெளிந்த வானம்;

நகரும் ஓவியம்,

கழுகு!

நம்பிக்கை

பசுமையின் நம்பிக்கையுடன்

கோடைக்குள் நுழைகிறது

காய்ந்த மரம்!

முத்தம்

 கடற்கரை ஞாயிறு நடை 

அவள் நடக்க பாதத்தில் முத்தம்!

அடுத்தவர் முத்தம் தடுக்க 

அவசரமாய் காலை

காலை மணலில் புதைத்தது,

அலை!