சிகரெட்

 மழையில் நனைத்து

பொறியில் பற்றவைத்து

புகைக்கும் சிகரெட் 

ஸைலன்சர்!

தூக்கம்

 இரவுகளை கடக்கிற போதுதான்

நேரம் வலிப்பதே இல்லை.

மாலை மயக்கம்

மஞ்சள் வெய்யில்!

மழைச்சாரல்!

துளிகள் தங்கிய தலைக்கவசம்!

மயக்கம்!

தேடல்

 குச்சி தேடும் காகம்;

இரை தேடும் கழுகு;

கூட்டுக்குள் குஞ்சுகள்!

திங்கட்கிழமை திருப்பள்ளியெழுச்சி

 குளிர்ந்த காலை நேரம்

பச்சைக்கிளிகளின் பள்ளியெழுச்சி

தெளிவு கலந்த தூக்கம் 

கண் விழித்ததும் என் 

கண்ணுக்கினியாள்

இப்படியாக மலர்ந்தது

இன்றைய காலை!

பல்லி

 தளத்திற்கும் தரைக்குமிடையில் 

நீளம் தாண்டுதல்;

பல்லி!

காவல்

 நமக்கு வீடு காவல்!

வீட்டுக்கு கதவு காவல்!

கதவுக்கு பூட்டு காவல்!

பூட்டுக்கு சாவி காவல்!

விரலினும் சிறிய சாவி

வீட்டிற்கே காவலென்றால்,

மனிதனின் மனத்திற்கு

காவலென்ன அறிகிலேனே!

கொசு

இரத்தம் குடிக்கும் ஆசையில்

வலைக்குள் வசிக்கும் கொசுக்கள்,

மனிதர்கள்!

கறை

 நினைவுகளை கரைத்துக் கொண்டிருக்கிறேன்,

கறைகள்  கனக்காமலிருக்க!

முழுமதி

 முழுமதி!

ஊருக்கே வெளிச்சம் தரும் 

ஒற்றை விளக்கு.

அழகாய் ஒளிர்ந்தது 

அவளது கண்களில்.

ஆம்.

நிலவைப்பார்த்து 

நித்தம் மலரும் 

சந்திரகாந்தி அவள்.

நிலவின் ஒளியில் 

நிறையும் முகத்தில்

மகிழ்ச்சி ததும்பும் 

மழலை அரும்பும். 

குழலில் மறையும்

குழந்தை முகத்தில்

குறையேதும் இல்லாத 

நிம்மதி நிறையும். 

மகிழ்ச்சி பரவும்

மட்டற்று வளரும்.

மனதின் வலிகள்

மறைந்தே போய் விடும்.

காதல் நிறைத்து 

கவிதை எழுதினால்

காகிதம் தீர்ந்தது

கண்கள் பனித்திடும். 

விதை

 பேசாமல் புதைத்த

வார்த்தை விதை 

மௌனமரமாய்

வளர்ந்து நிற்கின்றது!

அக்கரை (றை)

 இக்கரைக்கு அக்கரை பச்சை.

அக்கரை இக்கரை ஆனபின்

இக்கரை அக்கரை ஆகிடும்.

அக்கரை ஆன இக்கரை மேல்

அக்கறை வருமா?